Приклони, Госпоже, ухо Твое и услыши мя; обрати матернее лице Твое и помилуй мя; сияние святыя красоты Твоея веселит душу мою
Благо есть исповедатися Господеви, благо ест воспевати славу и чудеса возлюбленныя Его Матери, Приснодевы Марии
Госпоже, услыши молитву мою и вопль мой сердечный к Тебе да приидет, да не отвратиши пресвятое лице Твое от мене, ниже возгнушаешися за нечистоту мою
Исповедайтеся Владычице Богородице, яко блага есть в щедротах Своих; кто возглаголет силы Ея, слышаны сотворит вся хвалы Ея?
Рече Господь Госпоже нашей: стани, возлюбленная Мати Моя, одесную Мене, святыня и благостыня Твоя благоугодна Мне,
Блажени непорочнии, в путь ходящии в законе Господни, блажени и последствующии святым добродетелем Матери Божией
К Тебе, Госпоже, внегда скорбети ми, воззвах и услыша мя; молюся же Ти: избави душу мою от всякаго зла во всех днех жизни моея
Хвалите имя Господне, прославляйте и имя Приснодевы Марии, с молитвами и молениями прибегайте к Ея святейшему величеству
Благословенна еси, Госпоже, яко научаеши нас, рабов Твоих, на брань противу мира, плоти и диавола
Богородице Дево, радуйся, благодатная Марие, Господь с Тобою