25
09 '21
Дорогие друзья ! Здесь мы ежедневно слушаем и читаем место из Евангелие которое читается сегодня в храме.
Послушайте с нами толкование данного места из Евангелие .
08
09 '21
Всем доброго дня , помоги нам Господи!
Чтение Акафиста: 
6:10, 12:00,
15:00, 21:00. 
время Московское
Тот кто любит 
Спиридона
не останется без
дома,
без
работы и без средств
Акафист святителю Спиридону Тримифунтскому, чудотворцу
Кондак 1
Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!
Икос 1
От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:
Радуйся, уме, созерцаяй тайны Пресвятыя Троицы;
Ррадуйся, обогативыйся Духа пресветлым осиянием;
Радуйся, светильниче многосветлый; радуйся, ум твой безстрастием просветивый;
Радуйся, измлада истинную простоту и безмолвие возлюбивый;
Радуйся, украшение целомудрия;
Радуйся, любве неистощимая струя;
Радуйся, яко страннолюбию Авраама подражал еси;
Радуйся, яко всем любвеобильно входы дома своего отверзал еси;
Радуйся, нищих предстателю;
Радуйся, пред нимже благоговеют людие;
Радуйся, яко ты еси обиталище Пресвятаго Духа;
Радуйся, Спиридоне, предивный чудотворче!
Кондак 2
Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго Свыше нам, вопием к Верховному Подателю Небесных и земных благ: Аллилуиа.
Икос 2
Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:
Радуйся, архиерее Бога Вышняго, в хиротонии восприявый обильно Божественную благодать;
Радуйся, светильниче многосветлый, горяй и светяй.
Радуйся, верный делателю в вертограде Христовом;
Радуйся, пастырю, на пажити веры и благочестия паству свою воспитавый;
Радуйся, сияньми добродетелей твоих мир просвещавый;
Радуйся, Престолу Христову Божественную Жертву приносивый;
Радуйся, иерарше, разумением Православия украшенный;
Радуйся, апостольскаго учения исполненный, верных струями спасительнаго учения напаяяй;
Радуйся, яко и мудрых озарил еси;
Радуйся, яко и простых сердца обновил еси;
Радуйся, славо православных и Церкве непоколебимое утверждение;
Радуйся, украшение отцев, слава и похвала иереев благоговейных;
Радуйся, Спиридоне, предивный чудотворче.
Кондак 3
Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси: темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.
Икос 3
Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с ветиею, мнящимся мудр быти. Ты же, святителю, ревностию по Бозе распалаемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:
Радуйся, свете православныя мудрости;
Радуйся, яко глаголемых быти мудрых совопросников посрамил еси;
Радуйся, источниче, благодатию обильный; радуйся, непоколебимый столпе, твердо содержащий сущих в вере
Радуйся, омрачаяй всепагубную ересь; радуйся, чрез негоже попрано бысть безумие;
Радуйся, яко персть земная проповеда твоима рукама Святую Троицу;
Радуйся, яко из глины извел еси огнь и воду во утверждение догмата Святыя Троицы;
Радуйся, яко просветил еси люди славити Слово, воистинну единосущное Пребезначальному Отцу;
Радуйся, яко змиеву главу пагубныя Ариевы ереси поразил еси;
Радуйся, яко тобою пожерта бысть злоба;
Радуйся, невернаго мудреца совопросника к истинней вере обративый;
Радуйся, Спиридоне, предивный чудотворче.
Кондак 4
Жизнь проводя в убожестве и нищете, нищим и бедным был еси питатель и помощник и, любве ради к нищим, змия в злато преложил еси и дал еси оное требующему твоея помощи. Дивящеся о чудеси сем, благодарственно вопием к Богу: Аллилуиа.
Икос 4
Слышано бысть всем и всюду, яко святитель Спиридон воистинну есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:
Радуйся, словес Божиих таинниче;
радуйся, Домостроительство Божие о спасении мира уяснивый;
Радуйся, яко научил еси не испытовати еже есть превыше разума и мудросте человеческия;
Радуйся, непостижимую действующую в тебе силу Божию явивый;
Радуйся, яко устами твоими провеща Сам Бог;
Радуйся, яко вси послушаху тебе в сладость;
Радуйся, мглу идолослужения разгнавый;
Радуйся, яко многих к истинней вере привел еси;
Радуйся, яко главы невидимых змиев поразил еси;
Радуйся, яко тобою прославляется вера христианская;
Радуйся, яко светло озаряеши всех ублажающих тя;
Радуйся, поборниче христианския веры и Православия;
Радуйся, Спиридоне, предивный чудотворче.
Кондак 5
Божественнаго Духа преисполнен был еси, святителю Спиридоне, ради добродетельнаго жития твоего; зане кроток, милостив, чист сердцем, терпелив, непамятозлобив, страннолюбец был еси: сего ради Творец и в чудесех преславна показа тя. Мы же, прославляя Бога, прославльшаго тя, вопием Ему: Аллилуиа.
Икос 5
Равноангельна Спиридона зрим, великаго чудотворца. Некогда страна от бездождия и засухи вельми пострада: бысть глад и язва, и многое множество людей умроша, молитвами же святителя сниде с небесе на землю дождь; людие же, избавльшеся от бедствия, благодарственно взываху:
Радуйся, великому пророку Илии уподобивыйся;
Радуйся, яко дождь, отъемлющий глад и недуги, благовремение низвел еси;
Радуйся, паки молитвами своими небо заключивый;
Радуйся, яко немилосердаго купца лишением имения наказал еси;
Радуйся, яко требующим пищу обильно даровал еси;
Радуйся, яко любоблагоутробие Бога к людем подвизаеши;
Радуйся, вземляй немощи немощных;
Радуйся, богоблагодатный человеком помощниче;
Радуйся, болящим здравие подаваяй;
Радуйся, егоже трепещут демони;
Радуйся, безчисленных чудес источниче;
Радуйся, Спиридоне, предивный чудотворче.
Кондак 6
Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественная благодати, на нихже зрим начертанную песнь: Аллилуиа.
Икос 6
Народ Кипра некогда за умножение беззаконий наказа Господь безплодием земли, егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато, И – о чудесе – злато змий бысть. Прославляюще Бога, дивнаго во святых Своих, вопием:
Радуйся, яко Моисею, чудесно преложившему жезл в змия, подражал еси;
Радуйся, человеколюбивый пастырю, избавляяй от бед словесныя овцы стада своего;
Радуйся, обильно всех всеми благами обогащаяй;
Радуйся, яко Илиа, бедных питавый;
Радуйся, немилосердых к милосердию обращаяй;
Радуйся, достоподражаемый пример любве для человеков, в мире живущих. Радуйся, верных и неверных в бедах утешение;
Радуйся, древо сеннолиственное, град и страну осеняющее;
Радуйся, славо и похвало керкирян;
Радуйся, над влагою и сушею, зноем и хладом благодатию Божиею владычествуяй;
Радуйся, уставы земли молитвою пременяяй;
Радуйся, будущая, яко настоящая, провидевый;
Радуйся, Спиридоне, предивный чудотворче.
Кондак 7
Ходатай пред Господем за всех явился еси, святителю Спиридоне. Сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.
Икос 7
Новое чудо видим и боголепное; егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:
Радуйся, яко иногда Иисус Навин чрез Иордан, реку по суху прешедый;
Радуйся, речная устремления гласом своим укротивый;
Радуйся, яко трудный путь предприял еси, движимый милосердием;
Радуйся, яко клевету разрушил еси и неповиннаго от уз темницы и напрасныя смерти избавил еси;
Радуйся, жизни по Бозе благий поспешниче;
Радуйся, неповинно угнетенных защитителю;
Радуйся, уставов естества воднаго пременителю;
Радуйся, яко судию вразумил еси и от убийства спасл еси;
Радуйся, истинное исправление душ;
Радуйся, дивная сило, потоки удержавающая;
Радуйся, услаждающий сердца человеков, к тебе притекающих;
Радуйся, человеколюбию Авраама подражателю;
Радуйся, Спиридоне, предивный чудотворче.
Кондак 8
Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием ему: Аллилуиа.
Икос 8
Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи:
Радуйся, умершую дщерь свою, да явит врученное ей сокровище, к жизни воззвавый;
Радуйся, скорбную вдовицу, на сохранение злато вдавшую, утешивый;
Радуйся, умершее отроча из мертвых воскресивый;
Радуйся, яко матерь его, внезапно от радости умершую, ожививый;
Радуйся, яко уподобился еси Илии, молитвами сыну Сарептския жены жизнь возвратившему;
Радуйся, яко и Елисею, возбудившему от смерти отроча подражал еси;
Радуйся, пастырю, приискренне любящий человеки;
Радуйся, жене блуднице, слезами нозе твои омывшей, грехи именем Бога отпустивый;
Радуйся, святую ревность верховнаго апостола стяжавый;
Радуйся, яко нераскаянная грешница, по глаголу твоему, в тяжких болезнех умре.;
Радуйся, земли плодоносие молитвами твоими испросивый;
Радуйся, непреложное воскресения человеков уверение;
Радуйся, Спиридоне, предивный чудотворче.
Кондак 9
Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси, духа разума, яко умы омраченныя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.
Икос 9
Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе:
Радуйся, славу мира сего яко суетную презревый; радуйся, мзду многу на Небесех стяжавый
Радуйся, красная мира сего в уметы вменивый; радуйся, сосуде небесных благ
Радуйся, святейшая пажите киприотов;
Радуйся, яко тебе ради Бог хищников овец твоих невидимыми узами связа;
Радуйся, татем отеческое вразумление преподавый;
Радуйся, по милосердию твоему за проведенную без сна нощь овна им даровавый;
Радуйся, непослушанием козлища, яко бы разум имущаго, купца, утаившаго цену его, обличивый;
Радуйся, утаившаго сребреники твоя к покаянию приведый
Радуйся, яко страсти корыстолюбия увещанием своим исцелил еси его;
Радуйся, Спиридоне, предивный чудотворче.
Кондак 10
Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу свою, паче же славу истиннаго Бога, и в иныя страны, да всюду славят имя Божие, вопиюще: Аллилуиа.
Икос 10
Скорый помощник и заступник во всяких нуждах и скорбех, святый Спиридон, по повелению цареву, якоже и прочий пастыри, прииде во град Антиохию, идеже бе одержимый болезнию царь Константин; святитель главы его коснуся и сотвори здрава. Сему чудеси дивящеся, вопием ти:
Радуйся, егоже в сонном видении Ангел, яко целителя, яви царю;
Радуйся, Божественныя ради любве трудный путь в старости восприявый. Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения;
Радуйся, молитвами своими слезно просящему царю здравие даровавый;
Радуйся, яко уничижением своим раба вразумил еси и немилостивый нрав его пременил еси;
Радуйся, яко благочестию и милосердию царя научил еси;
Радуйся, яко, ненавидяй земная сокровища, злато царя отвергл еси;
Радуйся, яко ученика своего Трифиллиа от пристрастия к земным благам отвратил еси и сосудом благодати Божия соделал еси;
Радуйся, яко пришедшу тебе в Александрию идоли падоша;
Радуйся, емуже и беси повинуются; радуйся, яко от идолослужения многих отвратил еси;
Радуйся, Спиридоне, предивный чудотворче.
Кондак 11
Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащии тебе. Жителие же града, дивное пение слышавше, внидоша в храм и, никогоже видевше, с Горними силами воспеваху: Аллилуиа.
Икос 11
Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти:
Радуйся, яко тебе, еще живу сущу, сослужаху Ангели;
Радуйся, псалмопение Архангелов слышавый;
Радуйся, видимый образе нашего преображения;
Радуйся, яко недоставшу елею в храме Бог тебе ради с избытком лампады наполни тем;
Радуйся, лампадо Божественнаго сияния;
Радуйся, сосуде благодати Божией, обильно, подобие елею, наполняющей душу твою;
Радуйся, неизсякаемый источниче, присно источающий всем токи благодати; радуйся, о немже изумляются Ангели;
Радуйся, прослушание диакона в храме наказавый;
Радуйся, тщеславившагося своим гласом и гласа, и языка лишивый;
Радуйся, яко во время зноя, внезапу роса, снизшедшая свыше, священную твою главу прохлади;
Радуйся, в знамении сем близость преставления своего провидевый;
Радуйся, Спиридоне, предивный чудотворче.
Кондак 12
Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святые мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуиа.
Икос 12
Воспеваем тя, святителю Божий, яко удивил еси мир чудесы, истекающими от святых мощей твоих. Вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:
Радуйся, во время глада корабельником явивыйся, и пищу доставити повелевый;
Радуйся, слепым, с верою притекшим к святым мощем твоим, зрение даровавый;
Радуйся, от неисцельныя болезни отрока исцеливый;
Радуйся, беса из жены изгнавый и здравую сотворивый;
Радуйся, возбранный воеводо Керкиры;
Радуйся, яко полчища злочестивых агарян изгнал еси и корабли их в пучине потопил еси;
Радуйся, егоже видеша окруженнаго сонмом Ангелов, в деснице меч державша и в трепет врагов приведша;
Радуйся, создати себе храм, во еже совершати в нем литургию на пресном хлебе, воеводе возбранивый;
Радуйся, воеводу латинскаго лютою смертию поразивый;
Радуйся, молниею изображение его в доме в Венеции сожегший;
Радуйся, отступльства и лжемудрования Запада посрамивый;
Радуйся, единую православную веру быти истинную и спасительную для человеков утвердивый;
Радуйся, Спиридоне, предивный чудотворче!
Кондак 13
О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуиа!
Этот кондак читается трижды
Икос 1
От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:
Радуйся, уме, созерцаяй тайны Пресвятыя Троицы;
Ррадуйся, обогативыйся Духа пресветлым осиянием;
Радуйся, светильниче многосветлый; радуйся, ум твой безстрастием просветивый;
Радуйся, измлада истинную простоту и безмолвие возлюбивый;
Радуйся, украшение целомудрия;
Радуйся, любве неистощимая струя;
Радуйся, яко страннолюбию Авраама подражал еси;
Радуйся, яко всем любвеобильно входы дома своего отверзал еси;
Радуйся, нищих предстателю;
Радуйся, пред нимже благоговеют людие;
Радуйся, яко ты еси обиталище Пресвятаго Духа;
Радуйся, Спиридоне, предивный чудотворче!
Кондак 1
Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!
Молитва
О Великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу, и Сыну, и Духу Святому, ныне, и присно, и во веки веков. Аминь.
После прочтения или прослушивания молимся.
О ЗДРАВИИ:
Схием. Илии,
прот. Андрея, прот. Георгия,
прот. Анатолия,
прот. Павла,
прот. Николая, иером. МЕЛХИСЕДЕКА, иером. Амвросия,иером. Семеона иером. Мефодия, дьяк. Евгения,
отца Сергия,
монах. Андроника,монах. Ефросинии,игумен. Варвары,
бол. Аллы, Виктора, Галины, Марины со чадами, Татияны со Чадами, Ирины, Екатерины, Даниила, Александра, Анатолия, Дионисия, Анны, Валентины, воина Максима, Галины, Марины, Светланы, Елены со чадами, Наталии, Иоанна, Аппалинарии, Ларисы, Елены, Наталии, Михаила, Владимира, Иоанна, Марии, Михаила, Любови, Людмилы , Ларисы, Людмилы, Татианы, Ирины со чадам, Анастасии со чадам, Елены, Веры, Георгия, Елены со чадам, Марии, Наталии, Наталии, Алексея, Ольги, Иулии, Игоря, Евгении, мл. Александры,воина Андрея, Андрея, Ксении, Ирины, Андрея, Алексея, Олега, Иоанны, Златы, Евгении, Иоанна, Александра, Елены, мл. Арсения, Елены, Леонида, Анны, Пелагеи, отр. Еремея, Ольги , Ирины , Надежды .Иулии, отр Виктории, Софии, Татианы.Артемия, Ии, Феодоры, Иова, Павла, Тамары, Федора, Анастасии со чадоми, Стефана, Евгения, Александра, Деонисия, Наталии, Любови, Татианы, мл. Михаила, мл. Алексия, Светланы, Сергия, Константина, Анны, Семиона, Ираиды, Людмилы,Татианы, Светланы, Марии, Лидии, Никиты, Даниила, Всеволода, Димитрия, Дарьи , Алексия, Людмилы, Алексия, Дарьи, отр. Глеба, Марии, Екатерины,Ольги, Аллы, Анастасии, Светланы, Сергия, Владислава, Галины,Татияны, Марины, тяж.бол. Игоря,Надежды, Иулии, Александра, Александра, Евгении, Андрея, Александра, Владимира, Маргариты, Иоанна, Николая, т. Б. СВЕТАНЫ, Марины,Максима,Олега,Татияны,Павла,Надежды,Николая, тяж.бол.отр.Георгия, т. бол. Иулии,Марины, Любови, Валентины,Алексия,непр.Ольги, Наталии, тяж. бол.Валерия, Марии, Александры, Елены, Сергия,Сергия,Натальи,Галины, непр.Христины,Семеона,Иоанна,Апполинарии,
Владимира, Алексея,Владимира Владимира,Иулии, Елены, Евгении, Марины,Софии,отр.Платона, мл.Тамары, Лювови, Алексея, Веры, Мариии, Елены, отр. Марии, Георгия,
Спаси Господи и помилуй , даруй мирная Твоя благая, здравия, благоденствия и многая благая лета ! 
Аминь.Слава Богу!!!
07
09 '21
Присоединяйтесь!
Дорогие друзья здесь мы читаем
Акафист Николаю Чудотворцу
в 11 00 14 00, 16 00
или 20 00 на выбор .
Время Московское.
По Четвергам мы читаем в 14 00 или 20 00
Акафист святителю Николаю Чудотворцу
Кондак 1
Возбранный Чудотворче и изрядный угодниче Христов, миру всему источаяй многоценное милости миро, и неисчерпаемое чудес море, восхваляю тя любовию, Святителю Николае: ты же яко имеяй дерзновение ко Господу, от всяких мя бед свободи, да зову ти: Радуйся, Николае, великий Чудотворче.
Икос 1
Ангела образом, земнаго суща естеством, яви тебе всея твари Создатель; благоплодную бо доброту души твоея провидев, преблаженне Николае, научи всех вопити тебе сице: Радуйся, от утробы матерния очищенный; радуйся, даже до конца освященный. Радуйся, рождением своим родителей удививый; радуйся, силу душевную абие по рождестве явивый. Радуйся, саде земли обетования; радуйся, цвете Божественнаго саждения. Радуйся, лозо добродетельная винограда Христова; радуйся, древо чудоточное рая Иисусова. Радуйся, крине райскаго прозябения; радуйся, миро Христова благоухания. Радуйся, яко тобою отгонится рыдание; радуйся, яко тобою приносится радование. Радуйся, Николае, великий Чудотворче.
Кондак 2
Видяще твоих мир излияние, Богомудре, просвещаемся душами и телесы, дивнаго тя мироточца живоносна, Николае, разумеюще: чудесы бо яко водами, благодатию Божиею изливающимися, напаяеши верно вопиющих к Богу: Аллилуия.
Икос 2
Разум неуразуменный вразумляя о Святей Троице, был еси в Никеи со святыми отцы поборник исповедания Православныя веры: равна бо Отцу Сына исповедал еси, соприсносущна и сопрестольна, Ариа же безумнаго обличил еси. Сего ради вернии научишася воспевати тебе: Радуйся, великий благочестия столпе; радуйся, верных прибежища граде. Радуйся, твердое Православия укрепление; радуйся, честное Пресвятыя Троицы носило и похваление. Радуйся, Отцу равночестна Сына проповедавый; радуйся, Ариа возбесившагося от Собора святых отгнавый. Радуйся, отче, отцев славная красото; радуйся, всех богомудрых премудрая доброто. Радуйся, огненная словеса испущаяй; радуйся, добре стадо свое наставляяй. Радуйся, яко тобою вера утверждается; радуйся, яко тобою ересь низлагается. Радуйся, Николае, великий Чудотворче.
Кондак 3
Силою, данною ти свыше, слезу всяку отъял еси от лица люте страждущих, богоносе отче Николае: алчущим бо явился еси кормитель, в пучине морстей сущим изрядный правитель, недугующим исцеление и всем всяк помощник показался еси, вопиющим Богу: Аллилуия.
Икос 3
Имеяше воистинну, отче Николае, с небесе песнь тебе воспеваема быти, а не от земли: како бо кто от человек возможет твоея святыни величия проповедати? Но мы, любовию твоею побеждаеми, вопием ти сице: Радуйся, образе агнцев и пастырей; радуйся, святое очистилище нравов. Радуйся, добродетелей великих вместилище; радуйся, святыни чистое и честное жилище. Радуйся, светильниче всесветлый и вселюбимый; радуйся, свете златозарный и непорочный. Радуйся, достойный Ангелов собеседниче; радуйся, добрый человеков наставниче. Радуйся, правило веры благочестивыя; радуйся, образе кротости духовныя. Радуйся, яко тобою от страстей телесных избавляемся; радуйся, яко тобою сладостей духовных исполняемся. Радуйся, Николае, великий Чудотворче.
Кондак 4
Буря недоумения смущает ми ум, како достойно есть пети чудеса твоя, блаженне Николае; никтоже бо может я исчести, аще бы и многи языки имел и глаголати восхотел; но мы дивно Богу, в тебе прославляющемуся, дерзаем воспевати: Аллилуия.
Икос 4
Слышаша, богомудре Николае, ближнии и дальнии величие чудес твоих, яко по воздуху легкими благодатными крилами навыкл еси сущих в бедах предваряти, скоро от тех избавляя всех, вопиющих к тебе таковая: Радуйся, избавление от печали; радуйся, подаяние благодати. Радуйся, нечаемых зол прогонителю; радуйся, желаемых благих насадителю. Радуйся, скорый утешителю в беде сущих; радуйся, страшный наказателю обидящих. Радуйся, чудес пучино, Богом излиянная; радуйся, закона Христова скрижали Богом писанныя. Радуйся, крепкое падающих возведение; радуйся, право стоящих утверждение. Радуйся, яко тобою всякая лесть обнажается; радуйся, яко тобою всякая истина сбывается. Радуйся, Николае, великий Чудотворче.
Кондак 5
Боготечная звезда явился еси, наставляя по морю плавающих люте, имже смерть предстояше вскоре иногда, аще не бы ты предстал еси призывающим тя в помощь, Чудотворче святый Николае; уже бо нестыдно бесом летающим и погрузити корабли хотящим запретив, отгнал еси их, верныя же научил еси спасающему тобою Богу взывати: Аллилуия.
Икос 5
Видеша отроковицы, на брак скверный нищеты ради уготованныя, великое твое к нищим милосердие, преблаженне отче Николае, егда старцу родителю их нощию узельцы три злата таяся подал еси, самаго со дщерьми избавляя от падения греховнаго. Того ради слышиши от всех сице: Радуйся, милости превеликия сокровище; радуйся, промышления о людех приятелище. Радуйся, пище и отрадо к тебе прибегающих; радуйся, хлебе неснедаемый алчущих. Радуйся, богатство, бедне живущим на земли Богом данное; радуйся, воздвижение скорое убогих. Радуйся, быстрое нищих услышание; радуйся, скорбящих приятное попечение. Радуйся, триех дев непорочный невестителю; радуйся, чистоты усердный хранителю. Радуйся, ненадежных надеяние; радуйся, всего мира наслаждение. Радуйся, Николае, великий Чудотворче.
Кондак 6
Проповедует мир весь тебе, преблаженне Николае, скораго в бедах заступника, яко многажды во едином часе по земли путешествующим и по морю плавающим, предваряя, пособствуеши, купно всех от злых сохраняя, вопиющих к Богу: Аллилуия.
Икос 6
Возсиял еси свет животный, избавление нося воеводам, неправедную смерть прияти имущим, тебе, добрый пастырю Николае, призывающим, егда вскоре явлься во сне цареви, устрашил еси его, сих же неврежденных отпустити повелел еси. Сего ради с ними купно и мы благодарственно вопием ти: Радуйся, усердно призывающим тя помогаяй; радуйся, от неправеднаго убиения избавляяй. Радуйся, от лестныя сохраняяй клеветы; радуйся, неправедныя разрушаяй советы. Радуйся, растерзаяй лжу яко паучину; радуйся, возношаяй славно истину. Радуйся, неповинных от уз разрешение; радуйся, и мертвецев оживление. Радуйся, проявителю правды; радуйся, помрачителю неправды. Радуйся, яко тобою неповиннии избавлени от меча; радуйся, яко тобою насладишася света. Радуйся, Николае, великий Чудотворче.
Кондак 7
Хотя богохульное еретическое отгнати злосмрадие, миро воистинну благовонное, таинственное явился еси, Николае: люди мирейския упасл еси и весь мир своим благодатным миром исполнил еси. И от нас убо богомерзкое греховное злосмрадие отжени, да благоприятно Богу вопием: Аллилуия.
Икос 7
Новаго тя Ноя, наставника ковчега спасительнаго разумеем, отче святый Николае, бурю всех лютых разгоняющаго направлением своим, тишину же Божественную приносящаго вопиющим таковая: Радуйся, обуреваемых тихое пристанище; радуйся, утопающих известное хранилище. Радуйся, плавающих посреде пучин добрый кормчий; радуйся, треволнения морская уставляющий. Радуйся, превождение сущих в вихрех; радуйся, согреяние сущих во мразех. Радуйся, сияние, скорбный мрак разгоняющее; радуйся, светило, вся концы земли просвещающее. Радуйся, от бездны греховныя человеки избавляяй; радуйся, в бездну адскую сатану ввергаяй. Радуйся, яко тобою дерзновенно бездну милосердия Божия призываем; радуйся, яко тобою от потопа гнева избавльшеся, мир с Богом обретаем. Радуйся, Николае, великий Чудотворче.
Кондак 8
Странное чудо является притекающим к тебе, блаженне Николае, священная твоя церковь: в ней бо и малое моление приносяще, велиих недугов приемлем исцеление, аще токмо по Бозе упование на тя возложим, верно вопиюще: Аллилуия.
Икос 8
Весь еси всем воистинну помощник, богоносе Николае, и собрал еси вкупе вся прибегающия к тебе, яко свободитель, питатель и врач скорый всем земным, на похвалу всех воздвизая вопити к тебе сице: Радуйся, всяких исцелений источниче; радуйся, люте страждущим помощниче. Радуйся, заре, сияющая в нощи греховней блуждающим; радуйся, росо неботочная в знои трудов сущим. Радуйся, подаваяй требующим благостроение; радуйся, уготовляяй просящим изобилие. Радуйся, многажды прошение предваряяй; радуйся, старым сединам силу обновляяй. Радуйся, многих заблуждших от пути истиннаго обличителю; радуйся, таин Божиих верный служителю. Радуйся, яко тобою зависть попираем; радуйся, яко тобою благонравное житие исправляем. Радуйся, Николае, великий Чудотворче.
Кондак 9
Всякия утоли болезни, великий наш заступниче Николае, растворяя благодатная врачевания, услаждающая души наша, сердца же веселящая всех усердно к помощи твоей притекающих, Богу же вопиющих: Аллилуия.
Икос 9
Ветия суемудренныя нечестивых видим тобою посрамленныя, богомудре отче Николае: Ариа бо хульника, разделяюща Божество, и Савеллия, смешающа Святую Троицу, препрел, нас же во Православии укрепил еси. Сего ради вопием ти сице: Радуйся, щите, защищаяй благочестие; радуйся, мечу, посецаяй злочестие. Радуйся, учителю Божественных велений; радуйся, губителю богопротивных учений. Радуйся, лествице, Богом утвержденная, еюже восходим к небеси; радуйся, покрове, Богом зданный, имже покрываются мнози. Радуйся, немудрых умудривый твоими словесы; радуйся, ленивых подвигнувый твоими нравы. Радуйся, светлосте заповедей Божиих неугасимая; радуйся, луче оправданий Господних пресветлая. Радуйся, яко учением твоим сокрушаются еретическия главы; радуйся, яко тобою вернии сподобляются славы. Радуйся, Николае, великий Чудотворче.
Кондак 10
Спасти хотя душу, плоть твою духови покорил еси воистинну, отче наш Николае, молчаньми бо прежде и бореньми с помыслы, деянию богомыслие приложил еси, богомыслием же разум совершен стяжал еси, имже дерзновенно с Богом и Ангелы беседовал еси, всегда вопиющи: Аллилуия.
Икос 10
Стена еси похваляющим, преблаженне, чудеса твоя и всем к заступлению твоему прибегающим; темже и нас, в добродетели убогих, от нищеты, напасти, недугов и нужд различных свобождай, вопиющих ти с любовию таковая: Радуйся, от убожества вечнаго изымаяй; радуйся, богатство нетленное подаваяй. Радуйся, брашно негиблющее алчущим правды; радуйся, питие неисчерпаемое жаждущим жизни. Радуйся, от мятежа и брани соблюдаяй; радуйся, от уз и пленения свобождаяй. Радуйся, преславный в бедах заступниче; радуйся, превеликий в напастех защитниче. Радуйся, многих от погибели исхитивый; радуйся, безчисленных неврежденно сохранивый. Радуйся, яко тобою лютыя смерти грешнии избегают; радуйся, яко тобою жизнь вечную кающиися получают. Радуйся, Николае, великий Чудотворче.
Кондак 11
Пение Пресвятей Троице паче иных принесл еси, преблаженне Николае, умом, словом и делом: многим бо испытанием правоверная повеления уяснил еси, верою, надеждою и любовию наставляя нас в Троице Единому Богу воспевати: Аллилуия.
Икос 11
Светозарную лучу во мраце жития сущим неугасимую видим тя, Богом избранне отче Николае: с невещественными бо ангельскими светы беседуеши о несозданном Троическом Свете, верных же души просвещаеши, вопиющих ти таковая: Радуйся, озарение Трисолнечнаго Света; радуйся, деннице незаходимаго Солнца. Радуйся, свеще, Божественным пламенем возжженная; радуйся, яко угасил еси бесовский пламень нечестия. Радуйся, светлое правоверия проповедание; радуйся, доброзрачное света евангельскаго сияние. Радуйся, молние, ереси пожигающая; радуйся, громе, устрашающий соблазняющия. Радуйся, истиннаго научителю разума; радуйся, таинственнаго изъявителю ума. Радуйся, яко тобою попрася поклонение твари; радуйся, яко тобою научихомся поклонятися Творцу в Троице. Радуйся, Николае, великий Чудотворче.
Кондак 12
Благодать, данную ти от Бога, сведущии, радующеся твою память празднуем по долгу, преславный отче Николае, и к чудному заступлению твоему вседушно притекаем; преславных же твоих деяний, яко песка морскаго и множества звезднаго исчести не могуще, недоумением объяти бывше, вопием к Богу: Аллилуия.
Икос 12
Поюще твоя чудеса, восхваляем тя, всехвальне Николае: в тебе бо Бог, в Троице прославляемый, дивно прославися. Но аще и попремногу составленныя от души псалмы и песни приносим ти, Чудотворче святый, ничтоже творим равно дарованию чудес твоих, имже удивляющеся, вопием к тебе таковая: Радуйся, Царя царствующих и Господа господствующих служителю; радуйся, служителей Его небесных сожителю. Радуйся, людем верным поможение; радуйся, рода христианскаго возвышение. Радуйся, победы тезоименитый; радуйся, венценосче нарочитый. Радуйся, всех добродетелей зерцало; радуйся, всех притекающих к тебе крепкое забрало. Радуйся, по Бозе и Богородице все наше упование; радуйся, телес наших здравие и душ спасение. Радуйся, яко тобою от вечныя смерти свобождаемся; радуйся, яко тобою безконечныя жизни сподобляемся. Радуйся, Николае, великий Чудотворче.
Кондак 13
О пресвятый и пречудный отче Николае, утешение всех скорбящих, нынешнее наше приими приношение и от геенны избавитися нам Господа умоли богоприятным твоим ходатайством, да с тобою воспеваем: Аллилуия.
(Этот кондак читается трижды)
Икос 1
Ангела образом, земнаго суща естеством, яви тебе всея твари Создатель; благоплодную бо доброту души твоея провидев, преблаженне Николае, научи всех вопити тебе сице: Радуйся, от утробы матерния очищенный; радуйся, даже до конца освященный. Радуйся, рождением своим родителей удививый; радуйся, силу душевную абие по рождестве явивый. Радуйся, саде земли обетования; радуйся, цвете Божественнаго саждения. Радуйся, лозо добродетельная винограда Христова; радуйся, древо чудоточное рая Иисусова. Радуйся, крине райскаго прозябения; радуйся, миро Христова благоухания. Радуйся, яко тобою отгонится рыдание; радуйся, яко тобою приносится радование. Радуйся, Николае, великий Чудотворче.
Кондак 1
Возбранный Чудотворче и изрядный угодниче Христов, миру всему источаяй многоценное милости миро, и неисчерпаемое чудес море, восхваляю тя любовию, Святителю Николае: ты же яко имеяй дерзновение ко Господу, от всяких мя бед свободи, да зову ти: Радуйся, Николае, великий Чудотворче.
Молитва
О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа и твое милостивное предстательство, ныне и присно и во веки веков. Аминь.
Смотреть и слушать акафист Николаю Чудотворцу + видео
21
08 '21
Друзья, мир Вам!
Акафист отцу Гавриилу Ургебадзе мы читаем
в 
10:00; или 
14:00;
или 
18:00 или
21:30 часов на выбор.
К молитвенной помощи преподобного старца Гариила обращаются в различных сложных жизненных ситуациях:й
-исцеление от различных недугов;
-духовное окормление;
-дарование детей;
-избавление от одиночества и обретение семьи;
-исцеление детей;
-обретение веры и любви.
ψςψςψςψςψςψςψςψςψςψςψςψςψςψςψςψςψςψςψς
Благодати Бо́жией вмести́лище, испове́дниче ве́ры Правосла́вныя, во И́верстей стране́ просия́вый, ми́ра грехо́внаго отве́ргнувыйся и ми́ром отве́рженный, ко Христу́ прилепи́выйся и любо́вию Того́ пламене́ющий, преподо́бне о́тче Гаврии́ле, моли́ся о нас ко Го́споду спасти́ся душа́м на́шим.
ψςψςψςψςψςψςψςψςψςψςψςψςψςψςψςψςψςψςψς
Кондак, глас 5
Лозо́ многопло́дная ра́йского сажде́ния, до́блестный во́ине Христо́в, преподо́бне о́тче Гаврии́ле, Самтаври́йский чудотво́рче! Смире́нием высоты́ доброде́телей дости́гнувый, в юро́дстве ра́зумом му́дрых превосше́дый, умоли́ Влады́ку Вседержи́теля, да изба́вит нас грехо́внаго плене́ния, наси́лия вра́жия и тя́жких обстоя́ний.
Кондак 1
Избра́нный сосу́де Божией благода́ти, исто́чниче чудес благоуха́нный, Иве́рии похвало́, досточу́дне отче Гаврии́ле! Приносим ти ныне хвале́бное пение, ты же, име́яй ве́лие дерзнове́ние ко Господу, от всяких нас бед свободи, да любо́вию зовем ти: Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Икос 1
Ангельскому житию подражая, чистотою и смирением Богу угоди́л еси́, преблаже́нне отче Гаврии́ле, и ве́лиих даро́в Свята́го Ду́ха удосто́ился еси́! Вели́чию подвига твоего дивя́щеся, вопие́м ти си́це:
Ра́дуйся, кла́дезю премудрости Божией;
ра́дуйся, живы́й исто́чниче ве́ры.
Ра́дуйся, се́рдце, Христа́ вмести́вшее;
ра́дуйся, дре́во, плод духовный произрасти́вшее.
Ра́дуйся, от рождения Богом избра́нный;
ра́дуйся, на служе́ние Ему призва́нный.
Ра́дуйся, чудесами землю И́верскую облиста́вый;
ра́дуйся, житие́м богоуго́дным просия́вый.
Ра́дуйся, Господом на ка́мене веры утвержде́нный;ра́дуйся, с любовию имя Христо́во пропове́давый.
Ра́дуйся, многие скорби в житии́ претерпе́вый;
ра́дуйся, и́миже в Царствие Небесное вше́л еси́.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 2
Ви́дяще от ра́ки твоей чудес преоби́льное излия́ние, преподо́бне отче Гаврии́ле, утвержда́емся в вере и благоче́стии. Ди́внаго тя угодника Бо́жия почита́юще, благодарными усты́ воззове́м ко Господу, пода́телю благи́х: Аллилу́иа.
Икос 2
Ра́зуму нашему просвещение у Господа испроси́, уго́дниче Божий Гаврии́ле, да оттря́сше земное пристрастие и су́етные попече́ния, вознесе́мся сердцем и мы́слию в селения райския, иде́же ты пребыва́еши, и возгласи́м ти си́це:
Ра́дуйся, Ра́я Христо́ва благоуха́ние;
ра́дуйся, благодати Божией сия́ние.
Ра́дуйся, уде́ла Божией Матери похвало́ и украше́ние;
ра́дуйся, дерзких святота́тцев устраше́ние.
Ра́дуйся, от юности монашеского уедине́ния иска́вый;
ра́дуйся, Господа на помощь призыва́вый.
Ра́дуйся, глаголу Божию внима́вый;
ра́дуйся, заповедям Его после́довавый.
Ра́дуйся, вери́ги мни́мого безу́мия носи́вый;
ра́дуйся, прельще́ния мира сего́ посрами́вый.
Ра́дуйся, нищету и поруга́ние возлюби́вый;
ра́дуйся, имя Божие просла́вивый.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 3
Силою любви Христовой, дарова́нной ти свыше, укрепля́емый, преподо́бне отче Гаврии́ле, поревнова́л еси́ стяжа́ти по́двиги по о́бразу
отце́в Церкви дре́вния. В смирении и кротости возраста́я, о помощи Небе́сней молился еси́, взывая ко Господу: Аллилу́иа.
Икос 3
Име́я ве́лию веру и твердое упование на Господа, путь юродства избрал еси́, досточу́дне отче Гаврии́ле. И мы, с любо́вию воспевая и прославляя Бога, ди́внаго во святых Своих, вопием ти си́це:
Ра́дуйся, светильниче, Солнцем правды возжженный;
ра́дуйся, светом Христовым осия́нный.
Ра́дуйся, адама́нте веры Православной;
ра́дуйся, по́стников сла́во и похвало́.
Ра́дуйся, светом веры сердца́ на́ша озаря́ющий;
ра́дуйся, благогове́нию нас науча́ющий.
Ра́дуйся, благочестия ревни́телю;
ра́дуйся, храма Божия усердный строи́телю.
Ра́дуйся, пору́ганныя святы́ ни от оскверне́ния спаса́вый;
ра́дуйся, преще́ния гони́телей отверга́вый.
Ра́дуйся, и́го Христово с любо́вию носи́вый;
ра́дуйся, усердно Богу послужи́вый.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 4
Бу́ри жите́йскаго мо́ря избе́гнувый, уедине́ния и молитвы иска́вый, во обитель Бетани́йскую прише́л еси́, преблаже́нне отче Гаврии́ле. Духоно́сными отца́ми наставля́емый, прославля́я Господа Вседержителя, во умиле́нии се́рдца взывал еси́ Ему: Аллилу́иа.
Икос 4
Слы́шавше жители Иве́рии о дерзнове́нии твоем громогла́сно имя Христо́во сла́вити, дивля́хуся по́двигу твоему. Ты же, посрами́вши и́дольское поклоне́ние куми́ру, на крест страданий возше́л еси́. Прославляюще подвиг твой, преподо́бне отче Гаврии́ле, возглаша́ем ти си́це:
Ра́дуйся, ча́до духоно́сное отце́в Бетани́йских;
ра́дуйся, ревни́телю подвигов и́ноческих.
Ра́дуйся, Церкви Христовой све́тлое украше́ние;
ра́дуйся, земли И́верския озаре́ние.
Ра́дуйся, нището́ю и разумом обогати́выйся;
ра́дуйся, го́рния славы приобщи́выйся.
Ра́дуйся, подвигами своими диа́вола связа́вый;
ра́дуйся, изображе́ние безбо́жного вождя огню́ преда́вый.
Ра́дуйся, во у́зах веру Христову пропове́давый;
ра́дуйся, грешных к покаянию подви́гнувый.
Ра́дуйся, с безу́мными в дом скорби заточе́нный;
ра́дуйся, чудесами Божиими просла́вленный.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 5
Боготе́чная звездо́, возсия́вшая на небоскло́не Иве́рии, был еси́, досточу́дне отче Гаврии́ле. Страдания и поноше́ния за Христа́ претерпе́вый, к отве́рженным сопричте́нный, ныне в ли́ке святы́ х Его сла́виши, воспева́я Го́сподеви: Аллилу́иа.
Икос 5
Видя враг спасения нашего ревность твою по Бо́зе, преподо́бне, ярость свою излия́ на тя чрез власти безбо́жныя. Сего ради уде́лом твоим, отче святы́й, бы́ша ско́рби и гоне́ния. Мы же, воспевая подвиги твоя, Ангелы удиви́вшыя, с любо́вию глаголем ти:
Ра́дуйся, исто́чниче чудес Божиих;
ра́дуйся, сердце, исполненное любовию.
Ра́дуйся, клевету́ благоду́шно претерпевавый;
ра́дуйся, любо́вию врагов победи́вый.
Ра́дуйся, пли́ты моги́льныя ло́жем избра́вый;
ра́дуйся, во оби́телях Небе́сных возсия́вый.
Ра́дуйся, милостыню смире́нно проси́вый;
ра́дуйся, на Небеси́ мзду получи́вый.
Ра́дуйся, сле́зы Господа на Кресте́ осяза́вый;
ра́дуйся, гла́са Его удосто́енный.
Ра́дуйся, Засту́пницей Усе́рдной из темницы изведе́нный;
ра́дуйся, Материю Бо́жией уте́шенный.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 6
Пропове́дует страна И́верская тебе́, досточу́дне отче Гаврии́ле, ско́раго в беда́х засту́пника и те́плаго моли́твенника о спасении душ наших. Крест юродства смиренно носи́вый, в скорбя́х Господа благодари́вый, и ныне нас учи́ши Христа сла́вити, моли́твенно поя́ Ему: Аллилу́иа.
Икос 6
Возсия́л еси́ благода́тию, яко свети́льник пресве́тлый и заря сияющая, преподо́бне отче Гаврии́ле. Воспевая ве́лии подвиги и труды твоя́, с любо́вию возглаша́ем ти си́це:
Ра́дуйся, Ду́ха Свята́го обита́лище;
ра́дуйся, дарова́ний ве́лиих вмести́лище.
Ра́дуйся, оби́тели Самтаври́йския украше́ние;
ра́дуйся, славы святых дивное умноже́ние.
Ра́дуйся, плотско́е мудрова́ние духу покори́вый;
ра́дуйся, лука́вство вра́жие посрами́вый.
Ра́дуйся, за мни́мым винопи́тием благода́тные дары Божии сокры́вый;
ра́дуйся, стра́ждущих от неду́га пиа́нства исцели́вый.
Ра́дуйся, ко грешным сострада́вый;
ра́дуйся, спасе́ния всем жела́вый.
Ра́дуйся, устраше́ния вра́жия презре́вый;
ра́дуйся, Православие дерзнове́нно пропове́давый.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 7
Хотя́ Господу послужи́ ти, достохва́льне отче Гаврии́ле, отве́ргл еси́ вся скоропреходя́щая и су́етная мира сего́. Путе́м страданий за Христом сле́дуя, в простоте́ се́рдца с любо́вию взыва́л еси́ Ему: Аллилу́иа.
Икос 7
Но́ваго тя преподо́бнаго воздви́же Господь, прехва́льне отче Гаврии́ле, во времена тяжких гонений на Церковь Христову. Прославля́я ве́лий подвиг твой, досточу́дне, вопие́м ти си́це:
Ра́дуйся, сто́лпе Православия;
ра́дуйся, искренний дру́же Христов.
Ра́дуйся, благода́тию Божией в ско́рби согре́тый;
ра́дуйся, Царствия Небеснаго насле́дниче святы́й.
Ра́дуйся, испо́лненный любве́ Боже́ственныя;
ра́дуйся, равноа́нгельно пожи́вый.
Ра́дуйся, на земли гони́мый;
ра́дуйся, на Небеси со святыми Христа сла́вящий.
Ра́дуйся, милосердие Божие ко грешным призыва́ющий;
ра́дуйся, заблу́дших вразумля́ющий.
Ра́дуйся, молитвами твоими супругов от непло́дства исцели́вый;
ра́дуйся, о рождении дочери их извести́вый.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 8
Стра́нник и пришле́ц в мире сем был еси́, достохва́льне отче Гаврии́ле. Взыску́юще Града Небе́снаго, избра́л еси тернистый спасительный путь, за вся благодаря́ милосе́рдаго Господа и поя́ Ему: Аллилу́иа.
Икос 8
Весь исполненный Боже́ственныя благодати, в многотру́днем по́двизе Господом укрепля́емый, взыва́л еси́ Ему: Заступник мой и прибе́жище мое, Бог мой, и упова́ю на Него! И всех нас учи́ши со Христом пребыва́ти, зовущих ти:
Ра́дуйся, вождю́ и́щущих спасения;
ра́дуйся, страны И́верския спасительное насажде́ние.
Ра́дуйся, Православныя веры побо́рниче;
ра́дуйся, святых дивный собесе́дниче.
Ра́дуйся, оби́димых защи́тителю;
ра́дуйся, скорбящих уте́шителю.
Ра́дуйся, помощь скорую нам явля́яй;
ра́дуйся, к покаянию нас призыва́яй.
Ра́дуйся, мрак отчаяния отгоня́яй;
ра́дуйся, надеждою сердца́ наша исполня́яй.
Ра́дуйся, молитвою от внезапной смерти исхища́яй;
ра́дуйся, от бед и напастей избавля́яй.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 9
Вси святи́и и Силы Небесныя радостно тя прия́ша, достохва́льне отче Гаврии́ле, егда́ путь земна́го странствия сконча́в, возне́слся еси́ к Го́рнему Иерусалиму. И мы дивя́ся, какова́го чудотворца и молитвенника дарова́ нам Господь, в благодаре́нии сердца взыва́ем Ему: Аллилу́иа.
Икос 9
Вети́я суему́дренныя не возмо́гут постичь высоту подвига твоего, преподо́бне. Ве́лии дары́ Ду́ха Свята́го под ризой юродства скрыва́вый, чистотою жития́ просия́вый, к безумным причте́нный, мудрость мира сего посрамил еси́, досточу́дне отче Гаврии́ле. Сего́ ради похваля́ем тя си́це:
Ра́дуйся, цвет Ра́я благоуха́нный;
ра́дуйся, правды ради изгна́нный.
Ра́дуйся, житие́м непоро́чным, яко фи́никс, процве́тший;
ра́дуйся, уго́дниче Божий преусе́рднейший.
Ра́дуйся, сия́нием святости сердца́ согре́вый;
ра́дуйся, некра́домое богатство души́ име́вый.
Pадуйся, нищетою духовною Царствие Небесное стяжа́вый;
ра́дуйся, кротости ради Землю Обетова́ния насле́дивый.
Ра́дуйся, молитвою к Богу пламене́вый;
ра́дуйся, мучения ради Христа претерпе́вый.
Ра́дуйся, благода́тию Божией укрепля́емый;
ра́ дуйся, Ду́хом Святы́ м наставля́емый.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 10
Спаси́тельным путе́м идя́ к Небесному Иерусалиму, дух ми́рен стяжа́л еси́, преподо́бне отче Гаврии́ле. Крепкое упова́ние на Господа возложи́в, нас ныне учи́ши стопа́м Христо́вым сле́довати и воле Его благо́й преда́тися, воспевая Ему с любовию: Аллилу́иа.
Икос 10
Стена необори́мая молитвы, щи́те, огражда́яй ве́рных, во́ине Христо́в, из про́пасти погибели грешных исхища́яй ты еси, достохвальне! Темже молим тя: не оста́ви нас, страстьми́ обурева́емых, по́мощию твоею, да зовем ти си́це:
Ра́дуйся, любве́ Божией зерца́ло;
ра́дуйся, кротких похвало́.
Ра́дуйся, немощны́х в вере укрепле́ние;
ра́дуйся, стра́ждущих заступле́ние.
Ра́дуйся, наста́вниче и́щущих спасе́ния;
ра́дуйся, гордых вразумле́ние.
Ра́дуйся, исто́чниче Божественных исцеле́ний;
ра́дуйся, насле́дниче райских селе́ний.
Ра́дуйся, светильниче, во мра́це безбо́жия просия́вый;
ра́дуйся, пропове́дниче, злове́рие облича́вый.
Ра́дуйся, посто́м и моли́твою силу вра́жию низложи́вый;
ра́дуйся, смире́нием ду́хов зло́бы победи́вый.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 11
Пе́ние хвале́бное прино́сим ти, досточу́дне отче Гаврии́ле. Весели́тся Иве́рия, лику́ет оби́тель Самтаври́йская, прославляя милосе́рднаго Господа, дарова́вшаго угодника Своего, с любовию возглаша́я Подателю всяческих благ: Аллилу́иа.
Икос 11
Све́те пречу́дный, звездо́ путево́дная су́щим во мра́це греховном был еси́, преподо́бне отче Гаврии́ле. Гро́знаго явления Царицы Небесной удосто́енный, умолял еси матерей чад своих в утробе не губи́ти. Те́мже и мы, я́ко моли́твеннику усе́рдному о нас, взыва́ем ти си́це:
Ра́дуйся, пресла́вный избра́нниче Божий;
ра́дуйся, от юности Ему угоди́вый.
Ра́дуйся, именем Иису́совым враги́ побежда́вый;
ра́дуйся, Взбра́нную Воево́ду на помощь призыва́вый.
Ра́дуйся, Царствия Небеснаго иска́вый;
ра́дуйся, сокро́вища Ду́ха Свята́го стяжа́вый.
Ра́дуйся, громогла́сно слово Божие возвести́вый;
ра́дуйся, неве́рие посрами́вый.
Ра́дуйся, диаде́му му́дрости в юродстве носи́вый;
ра́дуйся, венец славы прия́вый.
Ра́дуйся, жизнь свою Богу посвяти́вый;
ра́дуйся, драгоценный дар веры от юности сохрани́вый.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 12
Благода́ть Божию стяжа́вый, путе́м заповедей Христо́вых Гра́да Небе́снаго дости́гнувый, преподо́бне отче Гаврии́ле, ныне в Церкви торжеству́ющей с ли́ки святых и Небесных Сил велегла́сно Царя ца́рствующих сла́виши и возно́сиши Ему хвале́бную песнь: Аллилу́иа.
Икос 12
Пою́ще пресла́вные по́двиги и чудеса твоя́, удивляемся равноа́нгельному житию́ твоему, достохва́льне отче Гаврии́ле, и возно́сим ти хвале́бныя моли́твы на́ша, с любо́вию взыва́я ти си́це:
Ра́дуйся, в ризу смирения облече́нный;
ра́дуйся, на высоту небесную вознесе́нный.
Ра́дуйся, благода́ти Божией еле́й благоуха́нный;
ра́дуйся, испове́дниче Христо́в избра́нный.
Ра́дуйся, де́лателю моли́твы Иису́совой;
ра́дуйся, побежда́яй супоста́тов и́менем Христо́вым.
Ра́дуйся, власте́й предержа́щих обличи́телю;
ра́дуйся, мудрова́ния мирска́го посрами́телю.
Ра́дуйся, инове́рца от тя́жкаго неду́га исцели́вый; ра́дуйся, светом веры Христо́вой душу его просвети́вый.
Ра́дуйся, ра́ковыя я́звы и многоразли́чных болезней исцели́телю;
ра́дуйся, одержи́мых бе́сы свободи́телю.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 13
О прехва́льне и досточу́дне отче Гаврии́ле, ско́рый уте́шителю и предста́телю наш! Приими́ от нас сие́ похва́льное пе́ние, умоли́ Владыку Вседержи́теля, да изба́вимся ве́чнаго осужде́ния и му́ки и да сподо́бимся с тобою воспева́ти Ему: Аллилу́иа.
Этот кондак читается трижды, затем икос 1 и кондак 1.
Икос 1
Ангельскому житию подражая, чистотою и смирением Богу угоди́л еси́, преблаже́нне отче Гаврии́ле, и ве́лиих даро́в Свята́го Ду́ха удосто́ился еси́! Вели́чию подвига твоего дивя́щеся, вопие́м ти си́це:
Ра́дуйся, кла́дезю премудрости Божией;
ра́дуйся, живы́ й исто́чниче ве́ры.
Ра́дуйся, се́рдце, Христа́ вмести́вшее;
ра́дуйся, дре́во, плод духовный произрасти́вшее.
Ра́дуйся, от рождения Богом избра́нный;
ра́дуйся, на служе́ние Ему призва́нный.
Ра́дуйся, чудесами землю И́верскую облиста́вый;
ра́дуйся, житие́м богоуго́дным просия́вый.
Ра́дуйся, Господом на ка́мене веры утвержде́нный;
ра́дуйся, с любовию имя Христо́во пропове́давый.
Ра́дуйся, многие скорби в житии́ претерпе́вый;
ра́дуйся, и́миже в Царствие Небесное вше́л еси́.
Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Кондак 1
Избра́нный сосу́де Божией благода́ти, исто́чниче чудес благоуха́нный, Иве́рии похвало́, досточу́дне отче Гаврии́ле! Приносим ти ныне хвале́бное пение, ты же, име́яй ве́лие дерзнове́ние ко Господу, от всяких нас бед свободи, да любо́вию зовем ти: Ра́дуйся, преподобноиспове́дниче Гаврии́ле, Христа ради юро́диве и чудотво́рче!
Молитва
О преподо́бне отче Гаврии́ле, чудотво́рче Самтаври́йский, подвигом юро́дства Христа́ ради просия́вый и и́мя Бо́жие во дни гоне́ний просла́вивый! Вознеси́ о нас молитвы твоя́ ко Господу, яко фимиа́м благоуха́нный, изба́ви нас, досточу́дне о́тче, предста́тельством твоим от вся́кия беды́ и напа́сти, сети де́монския разруши́, вражду угаси́, неду́жныя исцели́. Не оскудева́ет река́ чуде́с Госпо́дних от ра́ки твоей, преподо́бне, не иссяка́ет пото́к милосе́рдия Бо́жия к нам, гре́шным, моля́щимся тебе. Да́ра ве́лией любви от Господа удосто́енный, бремена́ бли́жних носи́вый, о гре́шных и стра́ждущих сле́зы пролива́вый, принеси молитвы наша и плач покаянный ко Престо́лу Владычню. Да сподо́бимся по́мощию твое́ю, достохва́льне отче, безпреткнове́нно пройти воздушныя мыта́рства и дости́гнути Отечества Небеснаго, иде́же непреста́нный глас пра́зднующих славит Пресвятую Троицу, Отца и Сына и Святаго Духа, ныне и присно и во веки веков. Аминь.
ψςψςψςψςψςψςψςψςψςψςψςψςψςψςψςψςψςψςψς
Имена, которые мы поминаем после прочтения Акафиста.
Преподобный Гавриил, моли Бога о здравии рабов Божьих:
Архиманд.бол.Льва,
игум.бол.Василия,
иером.бол.Варсанофия,
протеир.бол.Николая,
протеир.бол.Ефимия,
протеир.бол.Владимира,
протеир.бол.Василия,
иер.бол.Антония,
инок.бол.Самуила,
иерея Анатолия,
бол.иером.Амвросия,
бол.протеир.Георгия,
мл.Арсения,
Константина,Анны,Татьяны,
бол.Натальи,Ларисы,Антония
Татьяны,
Елены,Марии,
Веры,Георгия,Марии,
Дионисия,Татьяны,Людмилы,
Варвары,
Екатерины,Тимофея,Феодора,
Елены,
Валентины,Михаила,Иоанна,
Анастасии с чадом,Даниила,
мл.Анны,Илии,Илии,
Дарьи,мл.Софии,Валентины,
Софии,
бол.Татьяны,Софии,Христины,
иегум.Никона с братией,Татьяны,
Александра,
Георгия,Людмилы,Никиты,
Валерия,
Игоря,Владислава,Саввы,
Иулии,
Ангелины,Марии,Ники,
Надежды,Ольги,
Тимофея,Анны,Ангелины,
Дионисия,Мартина,
бол.Марины,Леонида,Елены,
мон.Иулиании,
бол.Нины,Дионисия,Марины,
Анастасии,
Даниила,Алексея,Димитрия,
воин.Вячеслава,бол.Геннадия,
Фотинии,Мелании,Валерия,
Никиты,
Екатерины,Анастасии,Ники,
бол.Фотинии,Александра,
Иоанна,Евгении,Александра,
Елизаветы,Елены,
мл.Александра,Константина,
бол.Наталии,
Марии,мл.Михаила,Людмилы,
Наталии,
Сергия,Димитрия,Андрея,
Виктора,Романа,
Александра,Игоря,Михаила,
Людмилы,Наталии,
бол.Геннадия,бол.Татьяны,
Николая,Николая с чад.,
бол.Светланы,Георгия с чад,
непр.бол.Марии с чад,Иоанна,
бол.Георгия,
Германа,Тимофея,бол.Златы,
бол.Елены,бол.Елены,Лидии
Раисы,Татьяны,Анастасии,
Мастридии,Елены,Ангелины,
Фаины,Ирины,Ларисы,
Тамары,Тамары,Сергия,
Ольги,
Валентины,воин.Евгения,
Надежды,
Павла,Илии,Матфея,
Андрея,Анастасии,Александра,
бол.мон.Серафимы,Давида,
Светланы,Григория,Елены,
Александра,Софии,Романа,
Сергия,Иулии,Сергия,
Елены,Анны,Виктории,
Михаила,Кирилла,
молимся о воинах на полях
сражений за страну нашу
бьющихся,
Помоги нам всем Святой
славный Преподобный
отче наш Гавриил Самтаврийский !
21
08 '21
Помоги нам Господи!
Пресвятая Богородица спаси нас!
Чтение Акафиста Пресвятой Богородице
5:00 16:00,
22:00. Время Московское
Похвала Пресвятой Богородице
Кондак 1
Взбранной Воеводе победительная, яко избавльшеся от злых, благодарственная восписуем Те раби Твои, Богородице; но, яко имущая державу непобедимую, от всяких нас бед свободи, да зовем Ти:
Радуйся, Невесто Неневестная.
Икос 1
Ангел предстатель с Небесе послан бысть рещи Богородице: радуйся, и со безплотным гласом, воплощаема Тя зря, Господи, ужасашеся и стояше, зовый к Ней таковая:
Радуйся, Еюже радость возсияет; радуйся, Еюже клятва изчезнет.
Радуйся, падшаго Адама воззвание; радуйся, слез Евиных избавление.
Радуйся, высото неудобовосходимая человеческими помыслы; радуйся, глубино неудобозримая и ангельскима очима.
Радуйся, яко еси Царево седалище; радуйся, яко носиши Носящаго вся.
Радуйся, Звездо, являющая Солнце; радуйся, утробо Божественнаго воплощения.
Радуйся, Еюже обновляется тварь; радуйся, Еюже покланяемся Творцу.
Радуйся, Невесто Неневестная.
Кондак 2
Ведящи Святая Себе в чистоте, глаголет Гавриилу дерзостно: преславное твоего гласа неудобоприятельно души Моей является; безсеменнаго бо зачатия рождество како глаголеши, зовый: Аллилуиа.
Икос 2
Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? К Нейже он рече со страхом, обаче зовый сице:
Радуйся, совета неизреченнаго Таиннице; радуйся, молчания просящих веро.
Радуйся, чудес Христовых начало; радуйся, велений Его главизно.
Радуйся, лествице небесная, Еюже сниде Бог; радуйся, мосте, преводяй сущих от земли на Небо.
Радуйся, Ангелов многословущее чудо; радуйся, бесов многоплачевное поражение.
Радуйся, Свет неизреченно родившая; радуйся, еже како, ни единаго же научившая.
Радуйся, премудрых превосходящая разум; радуйся, верных озаряющая смыслы.
Радуйся, Невесто Неневестная.
Кондак 3
Сила Вышняго осени тогда к зачатию Браконеискусную, и благоплодная Тоя ложесна, яко село показа сладкое, всем хотящим жати спасение, внегда пети сице: Аллилуиа.
Икос 3
Имущи Богоприятную Дева утробу, востече ко Елисавети; младенец же оноя абие познав Сея целование, радовашеся, и играньми, яко песньми, вопияше к Богородице:
Радуйся, Отрасли неувядаемыя розго; радуйся, Плода безсмертнаго стяжание.
Радуйся, Делателя делающая, Человеколюбца; радуйся, Садителя жизни нашея рождшая.
Радуйся, ниво, растящая гобзование щедрот; радуйся, трапезо, носящая обилие очищения.
Радуйся, яко рай пищный процветаеши; радуйся, яко пристанище душам готовиши.
Радуйся, приятное молитвы кадило; радуйся, всего мира очищение.
Радуйся, Божие к смертным благоволение; радуйся, смертных к Богу дерзновение.
Радуйся, Невесто Неневестная.
Кондак 4
Бурю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя, Непорочная; уведев же Твое зачатие от Духа Свята, рече: Аллилуиа.
Икос 4
Слышаша пастырие Ангелов, поющих плотское Христово пришествие, и, текше яко к Пастырю, видят Сего, яко агнца непорочна, во чреве Мариине упасшася, Юже поюще реша:
Радуйся, Агнца и Пастыря Мати; радуйся, дворе словесных овец.
Радуйся, невидимых врагов мучение; радуйся, райских дверей отверзение.
Радуйся, яко небесная срадуются земным; радуйся, яко земная сликовствуют небесным.
Радуйся, апостолов немолчная уста; радуйся, страстотерпцев непобедимая дерзосте.
Радуйся, твердое веры утверждение; радуйся, светлое благодати познание.
Радуйся, Еюже обнажися ад; радуйся, Еюже облекохомся славою.
Радуйся, Невесто Неневестная.
Кондак 5
Боготечную звезду узревше волсви, тоя последоваша зари, и яко светильник держаще ю, тою испытаху крепкаго Царя, и достигше Непостижимаго, возрадовашася, Ему вопиюще: Аллилуиа.
Икос 5
Видеша отроцы халдейстии на руку Девичу Создавшаго руками человеки, и Владыку разумевающе Его, аще и рабий прият зрак, потщашася дарми послужити Ему и возопити Благословенней:
Радуйся, Звезды незаходимыя Мати; радуйся, заре таинственнаго Дне.
Радуйся, прелести пещь угасившая; радуйся, Троицы таинники просвещающая.
Радуйся, мучителя безчеловечнаго изметающая от начальства; радуйся, Господа Человеколюбца показавшая Христа.
Радуйся, варварскаго избавляющая служения; радуйся, тимения изымающая дел.
Радуйся, огня поклонение угасившая; радуйся, пламене страстей изменяющая.
Радуйся, верных наставнице целомудрия; радуйся, всех родов веселие.
Радуйся, Невесто Неневестная.
Кондак 6
Проповедницы богоноснии бывше волсви, возвратишася в Вавилон, скончавше Твое пророчество и проповедавше Тя Христа всем, оставиша Ирода, яко буесловна, не ведуща пети: Аллилуиа.
Икос 6
Возсиявый во Египте просвещение истины, отгнал еси лжи тьму; идоли бо его, Спасе, не терпяще Твоея крепости, падоша, сих же избавльшися вопияху к Богородице:
Радуйся, исправление человеков; радуйся, низпадение бесов.
Радуйся, прелести державу поправшая; радуйся, идольскую лесть обличившая.
Радуйся, море, потопившее фараона мысленнаго; радуйся, каменю, напоивший жаждущия жизни.
Радуйся, огненный столпе, наставляяй сущия во тьме; радуйся, покрове миру, ширший облака.
Радуйся, пище, манны приемнице; радуйся, сладости святыя служительнице.
Радуйся, земле обетования; радуйся, из неяже течет мед и млеко.
Радуйся, Невесто Неневестная.
Кондак 7
Хотящу Симеону от нынешняго века преставитися прелестнаго, вдался еси яко младенец тому, но познался еси ему и Бог совершенный. Темже удивися Твоей неизреченней премудрости, зовый: Аллилуиа.
Икос 7
Новую показа тварь, явлься Зиждитель нам, от Него бывшим, из безсеменныя прозяб утробы и сохранив Ю, якоже бе, нетленну, да чудо ведяще, воспоим Ю, вопиюще:
Радуйся, цвете нетления; радуйся, венче воздержания.
Радуйся, воскресения образ облистающая; радуйся, ангельское житие являющая.
Радуйся, древо светлоплодовитое, от негоже питаются вернии; радуйся, древо благосеннолиственное, имже покрываются мнози.
Радуйся, во чреве носящая Избавителя плененным; радуйся, рождшая Наставника заблуждшим.
Радуйся, Судии праведнаго умоление; радуйся, многих согрешений прощение.
Радуйся, одеждо нагих дерзновения; радуйся, любы, всякое желание побеждающая.
Радуйся, Невесто Неневестная.
Кондак 8
Странное рождество видевше, устранимся мира, ум на Небеса преложше: сего бо ради высокий Бог на земли явися смиренный человек, хотяй привлещи к высоте Тому вопиющия: Аллилуиа.
Икос 8
Весь бе в нижних и вышних никакоже отступи неописанное Слово: снизхождение бо Божественное, не прехождение же местное бысть, и рождество от Девы Богоприятныя, слышащия сия:
Радуйся, Бога невместимаго вместилище; радуйся, честнаго таинства двери.
Радуйся, неверных сумнительное слышание; радуйся, верных известная похвало.
Радуйся, колеснице пресвятая Сущаго на Херувимех; радуйся, селение преславное Сущаго на Серафимех.
Радуйся, противная в тожде собравшая; радуйся, девство и рождество сочетавшая.
Радуйся, Еюже разрешися преступление; радуйся, Еюже отверзеся рай.
Радуйся, ключу Царствия Христова; радуйся, надеждо благ вечных.
Радуйся, Невесто Неневестная.
Кондак 9
Всякое естество ангельское удивися великому Твоего вочеловечения делу: неприступнаго бо, яко Бога, зряще всем приступнаго Человека, нам убо спребывающа, слышаща же от всех: Аллилуиа.
Икос 9
Вития многовещанныя, яко рыбы, безгласныя видим о Тебе, Богородице: недоумевают бо глаголати, еже како и Дева пребываеши, и родити возмогла еси. Мы же, таинству дивящеся, верно вопием:
Радуйся, премудрости Божия приятелище; радуйся, промышления Его сокровище.
Радуйся, любомудрыя немудрыя являющая; радуйся, хитрословесныя безсловесныя обличающая.
Радуйся, яко обуяша лютии взыскателе; радуйся, яко увядоша баснотворцы.
Радуйся, афинейская плетения растерзающая; радуйся, рыбарския мрежи исполняющая.
Радуйся, из глубины неведения извлачающая; радуйся, многи в разуме просвещающая.
Радуйся, кораблю хотящих спастися; радуйся, пристанище житейских плаваний.
Радуйся, Невесто Неневестная.
Кондак 10
Спасти хотя мир, Иже всех Украситель, к сему самообетован прииде, и Пастырь сый, яко Бог, нас ради явися по нам человек: подобным бо подобное призвав, яко Бог слышит: Аллилуиа.
Икос 10
Стена еси девам, Богородице Дево, и всем, к Тебе прибегающим: ибо Небесе и земли Творец устрои Тя, Пречистая, вселься во утробе Твоей, и вся приглашати Тебе научи:
Радуйся, столпе девства; радуйся, дверь спасения.
Радуйся, начальнице мысленнаго наздания; радуйся, подательнице Божественныя благости.
Радуйся, Ты бо обновила еси зачатыя студно; радуйся, Ты бо наказала еси окраденныя умом.
Радуйся, тлителя смыслов упраждняющая; радуйся, Сеятеля чистоты рождшая.
Радуйся, Чертоже безсеменнаго уневещения; радуйся, верных Господеви сочетавшая.
Радуйся, добрая младопитательнице девам; радуйся, невестокрасительнице душ святых.
Радуйся, Невесто Неневестная.
Кондак 11
Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Царю Святый, ничтоже совершаем достойно, яже дал еси нам, Тебе вопиющим: Аллилуиа.
Икос 11
Светоприемную свещу, сущим во тьме явльшуюся, зрим Святую Деву, невещественный бо вжигающи Огнь, наставляет к разуму Божественному вся, зарею ум просвещающая, званием же почитаемая сими:
Радуйся, луче умнаго Солнца; радуйся, светило незаходимаго Света.
Радуйся, молние, души просвещающая; радуйся, яко гром враги устрашающая.
Радуйся, яко многосветлое возсияваеши просвещение; радуйся, яко многотекущую источаеши реку.
Радуйся, купели живописующая образ; радуйся, греховную отъемлющая скверну.
Радуйся, бане, омывающая совесть; радуйся, чаше, черплющая радость.
Радуйся, обоняние Христова благоухания; радуйся, животе тайнаго веселия.
Радуйся, Невесто Неневестная.
Кондак 12
Благодать дати восхотев долгов древних, всех долгов Решитель человеком, прииде Собою ко отшедшим Того благодати и, раздрав рукописание, слышит от всех сице: Аллилуиа.
Икос 12
Поюще Твое Рождество, хвалим Тя вси, яко одушевленный храм, Богородице: во Твоей бо вселився утробе содержай вся рукою Господь, освяти, прослави и научи вопити Тебе всех:
Радуйся, селение Бога и Слова; радуйся, святая святых большая.
Радуйся, ковчеже, позлащенный Духом; радуйся, сокровище живота неистощимое.
Радуйся, честный венче царей благочестивых; радуйся, честная похвало иереев благоговейных.
Радуйся, Церкве непоколебимый столпе; радуйся, Царствия нерушимая стено.
Радуйся, Еюже воздвижутся победы; радуйся, Еюже низпадают врази.
Радуйся, тела моего врачевание; радуйся, души моея спасение.
Радуйся, Невесто Неневестная.
Кондак 13
О Всепетая Мати, рождшая всех святых Святейшее Слово! Нынешнее приемши приношение, от всякия избави напасти всех и будущия изми муки о Тебе вопиющих: Аллилуиа.
Этот кондак читается трижды.
Икос 1
Ангел предстатель с Небесе послан бысть рещи Богородице: радуйся, и со безплотным гласом, воплощаема Тя зря, Господи, ужасашеся и стояше, зовый к Ней таковая:
Радуйся, Еюже радость возсияет; радуйся, Еюже клятва изчезнет.
Радуйся, падшаго Адама воззвание; радуйся, слез Евиных избавление.
Радуйся, высото неудобовосходимая человеческими помыслы; радуйся, глубино неудобозримая и ангельскима очима.
Радуйся, яко еси Царево седалище; радуйся, яко носиши Носящаго вся.
Радуйся, Звездо, являющая Солнце; радуйся, утробо Божественнаго воплощения.
Радуйся, Еюже обновляется тварь; радуйся, Еюже покланяемся Творцу.
Радуйся, Невесто Неневестная.
Кондак 1
Взбранной Воеводе победительная, яко избавльшеся от злых, благодарственная восписуем Те раби Твои, Богородице; но, яко имущая державу непобедимую, от всяких нас бед свободи, да зовем Ти:
Радуйся, Невесто Неневестная.
Молитва
О, Пресвятая Госпоже Владычице Богородице, вышши еси всех Ангел и Архангел и всея твари честнейши, Помощнице еси обидимых, ненадеющихся надеяние, убогих Заступнице, печальных утешение, алчущих Кормительнице, нагих одеяние, больных исцеление, грешных спасение, христиан всех поможение и заступление. О, Всемилостивая Госпоже, Дево Богородице Владычице, милостию Твоею спаси и помилуй святейшия патриархи православныя, преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О, Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносные язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословена и препрославлена, со Безначальным Его Отцем и с Пресвятым, и Благим, и Животворящим Его Духом, ныне и присно, и во веки веков. Аминь.
Имена, после чтения Акафиста;
О здравии
Схиархимандрита Илии иерея Александра
Ираиды, Иоанна,
Иулии, Ксении, отр. Даниила,
отр. Дарии Сергия, Ольга, Анна,
Елена, отр Виктория, отр Михаил,
мл Кирилла Татьяны Елены
Андрея, Сергия, Владислава,
отр Димитрия, Анны, Светланы,
отр Софии, бол отр Елизаветы
Валентина, Ильи, Павела, Матфея,
Евгения, Александра, Лидии,
Христины Семеонна Иоанна
Апполинарии Елены,
младенца Вероники, Галины,
Сергия, Натальи, Светланы
21
08 '21
Проснувшись однажды утром после cvxbvxcbxvcbxvcbбеспокойного сна, Грегор Замза обнаружил, что он у себя в постели превратился в страшное насекомое.Проснувшись однажды утром после cvxbvxcbxvcbxvcbбеспокойного сна, Грегор Замза обнаружил, что он у…
21
08 '21
Молитва в
19 45
Дорогие друзья здесь мы молимся ежедневно о болящих и нуждающихся в молитвенной помощи .
Ровно в 19 45 по Московскому времени мы встаем на молитву .
Это не большая молитва занимает минут 5-7 но очень важная и действенная. Присоединяйтесь. Вы можете подать имена людей нуждающихся в этой молитве, но только, тогда стараетесь и Вы молиться с нами . Встанем вместе и помолимся:
Три молитвы которые мы читаем совместно в 19.45 каждый день!
Господи, Иисусе Христе, Сыне Божий, Ты бо рекл еси пречистыми усты Твоими: “Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их”. Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, согласившимся просить Тя о помощи .
Господи Боже наш, спаси и сохрани нашу страну Россию и области ее,
Помоги Господи людям Белгорода пережить вражьи стреляния
и защити нас всех от всякого зла.
Прости нам наши грехи и милостиво помилуй нас Господи!
Пресвятая Богородица помоги нам и воинам нашим выстоять!
Спаси Господи и помилуй молимся о здравии:
Патриарха Кирилла,
президента Владимира и иже с ними.
Иерея Александра,
Иерея Николая
воина Владимира
Матфея, Андрея,
Анастасии, Александры,
воина Евгения, Ильи,
Павла, Валентины
игумена Никона с братией,
Татьяны, Александра,
Георгия, Людмилы,
Валерия, Никиты,
Надежды, Евгения,
Екатерины
бол. Дионисия, Наталия,
Григория, Ольги,
Иулии, Христины,
отр.Павла.
Война Никиты
Любови
Аллы отрока Матвея
бол иеромон. Михаила
б. Георгия
б. Татианы
б. Дарии
б. Татианы
б. Иулии
б. Михаила
б. Марии
б. Марии
Дмитрия
Илии
б.Надежды со срод.
Елены с чадами
б. Любови с чадами
Евдокима, Александра,
Сампсона, Галины,
Стефаниды, Дарьи,
Софии
воина Андрей,
воина Максима,
воина Александра,
Владислава,
Димитрия,
Анны,
Светланы,
Софии,
Елизаветы,
Натальи.
тяж.бол.Воина Виталия
тяж.бол.Фотинии
Воина Сергия
Воина Ефима
Воина Тимофея
Воина Ионна
Воина Дионисия
Воина Василия
Воина Романа с товарищами
Сергия,Татьяны,
Александра,
отр.Алексея,
воина Валентина,
воина Виктора,
воина Андрея,
воина Сергея,
воина Максима,
воина Владислава,
воина Никиты,
воина Романа
воина Петра.
Евгении Иоанна
Александра
Иерея Александра,
мон. Иулиании,
бол.НиныВила
Мелании Валерия
воина Вячеслава Фотинии
Никиты мл.Екатерины
инок. Самуила
Дионисия Марины
Даниила Анастасии
Алексея Димитрия
Леонида Елены,
Романа, Петра Иоанна
отр.Вадима мл.Иоанна
Наталии Ирины
бол. Людмилы, Дмитрия,
Марии,
мл. Христины,
мон. Рафаила, Андрея,
отр. Кирилла
Иулии Сергия Елены
Валентины Георгия
Романа Марины
Нины Владимира
Фотинии Владимира
Игоря Галины Анны Игоря Ларисы
бол.Кирилла Марии
Веры Анны
Артемия, бол.Ие, бол. отр.Иова, отр.Феодоры
бол.Евгении бол. Сергия Андрея
тяж.бол.Марии
воина Димитрия
О страждующих
Владимира,Галины,
Михаила,Иулии,
Ирины,Наталии,
Павла,Сергия Александра
Елены
тяж.бол.Татьяны
О упокоении
рабов Твоих убиенных
в этой войне,
их имена
Ты веси и у Тебя все живы!
Даруй нам исполнения нашего прошения о помощи Твоей им. Но обаче не якоже мы хотим, но якоже Ты. Да будет во веки воля Твоя. Аминь
МОЛИТВА :
Господи Боже наш, не вниди в суд с рабы Твоими, и огради нас от губительного поветрия, войны на ны движимых.
Пощади нас смиренных и недостойных рабов Твоих в покаянии с теплою верою и сокрушением сердечным к Тебе милосердному и благопременительному Богу нашему припадающих и на милость Твою уповающих.
Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков.
Аминь.
Редкая Молитва двенадцати целителям
К вам, святии безсеребреницы и чудотворцы, святой Никифор , Космо и Дамиане, Кире и Иоанне, Пантелеймоне и Ермолае, Сампсоне и Диомиде, Фотие и Аникито, Фалалее и Трифоне, святитель Лука Крымский , преподобный Агапит , святой Вихиан, яко скорым помощникам и теплым молитвенникам о спасении нашем, мы, недостойныя, преклоньше колена, прибегаем и припадающе усердно вопием: не презрите моление нас, грешных, немощных, во многия беззакония впадших, и во вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости: избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений ради твердыя Веры, безмездного врачевания и мученическия кончины вашея, услышите нас, молящихся, и благоприятным ходатайством вашим испросите у Христа Бога вся благополезная яже в животе нашем временнем, наипаче же ко спасению вечному служащая, да сподобимся молитвами вашими улучити кончину христианскую, безболезненну, непостыдну, мирну и да избавимся от козней диавольских и вечныя муки: безконечного же и блаженного Царствия Небесного наследницы будем. Ей, угодницы Божии, не престайте молящееся за ны, с верою к вам притекающия: аще бо по множеству грехов наших несмы бо достойны милосердия вашего, обаче вы верни подражателие человеколюбия Божия сущее и да принесем плоды достойны покаяния и в вечный покой достигнем, хваляще и благословяще дивного во святых Своих Господа и Спаса нашего Иисуса Христа и Пречистую Матерь Его, и ваше теплое заступление всегда, ныне и присно и во веки веков. Аминь.
Тропарь, гл. 8
Святии бессребреницы и чудотворцы, посетите немощи наша: туне приясте, туне дадите нам.
Кондак, гл. 2
Благодать приимше исцелений простираете здравие сущим в нуждах, врачеве, чудотворцы преславнии: но вашим посещением ратников дерзости низложите мир исцеляюще чудесы.
Святые целители, бессребреники и чудотворцы, молите Бога о нас!
Благодарим Тебя Господи за все что Ты нам даешь .
Слава Тебе Господи Слава Тебе! Аминь.
21
08 '21
Дорогие друзья ! Здесь мы ежедневно слушаем и читаем место из Евангелие которое читается сегодня в храме.
Послушайте с нами толкование данного места из Евангелие .
31
07 '21
0 Comments
Working from home meant we could vary snack and coffee breaks, change our desks or view, goof off, drink on the job, even spend the day in pajamas, and often…
07
07 '21